Author Archives: Beniamin Hovakimyan

About Beniamin Hovakimyan

Սիրեցեք Ճշմարտությունը և այն Ձեզ Ազատ կանի:

Մեղադրանք

Posted on 08/02/2013

Ստեփան Բենիամինի Հովակիմյանը մեղադրվում է ՀՀ քրեական օրենսգրքի 316 հոդվածի՝ «Իշխանության ներկայացուցչի նկատմամբ բռնություն գործադրելը» 1-ին մասով:
Դա այն չարաբաստիկ օրն էր, երբ Ստեփանը, կորցնելով ինքնատիրապետումը, ինքնավնասում կատարեց՝ ութ տեղից կտրելով ձեռքի երակները: Խառնաշփոթի ժամանակ, երբ ոստիկաններն ու դատարանի կարգադրիչները ձեռնաշղթաներ էին հագցնում իրեն, իսկ ինքը փորձում էր թույլ չտալ դա անել, նրա տեղին է մոտեցել մեղադրաղ դատախազ Սամվել Հարությունյանը: Ու հենց այդ ժամանակ էլ հրմշտոցի մեջ Ստեփանի ոտքը կպել է Հարությունյանին, որն էլ այսօր մեղադրող դատախազ Ջոն Ֆարխոյանի կողմից մեկնաբանվում է որպես «բռնության կիրառում իշխանության ներկայացուցչի նկատմամբ»: Continue reading →

Posted in 316-1, Քրեական գործ, Առավել հետաքրքիրները | Tagged , , , , , | Leave a comment

Կալանքի միջնորդություն

Posted on 29/01/2013

Ներկայացված է մեղադրող դատախազ Ջ.Ֆարխոյանի ամբողջական
ՈՐՈՇՈՒՄԸ
կալանավորումը որպես խափանման միջոց կիրառելու
միջնորդություն հարացելու մասին Continue reading →

Posted in 316-1, Քրեական գործ, Կալանք | Tagged , , , , , | Leave a comment

Հոդված 316

Posted on 29/01/2013

Հոդված 316. Իշխանության ներկայացուցչի նկատմամբ բռնություն գործադրելը
1. Իշխանության ներկայացուցչի կամ նրա մերձավորի նկատմամբ կյանքի կամ առողջության համար ոչ վտանգավոր բռնություն գործադրելը կամ դա գործադրելու սպառնալիքը՝ կապված նրա կողմից իր ծառայողական պարտականությունները կատարելու հետ, ինչպես նաեւ իշխանության ներկայացուցչին՝ օրենքով նրա վրա դրված պարտականությունները կատարելու ժամանակ խոչընդոտելը՝
պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով, կամ ազատազրկմամբ՝ առավելագույնը հինգ տարի ժամկետով: Continue reading →

Posted in 316-1, Քրեական գործ | Tagged , | 1 Comment

Կալանքի որոշում

Posted on 29/01/2013

Ներկայացված է դատավոր Արշակ Վարդանյանի ՈՐՈՇՈՒՄԸ
խափանման միջոց կալանավորում ընտրելու վերաբերյալ մեղադրող Ջոն Ֆարխոյանի միջնորդությունը քննության առնելու մասին: Continue reading →

Posted in 316-1, Քրեական գործ, Կալանք | Tagged , , , , , , | Leave a comment

Հայտարարություն իրավունքների խախտման վերաբերյալ

Posted on 26/06/2012

2012թ. հունիսի 26-ին ութ իրավապաշտպան կազմակերպություններ համատեղ տարածել են հայտարարություն Ս.Հովակիմյանի և Վ.Քերոբյանի իրավունքների խախտման վերաբերյալ: Որտեղ, մասնավորապես, ասված է. որ գործի նախաքննության ընթացքում թույլ են տրվել մարդու հիմնարար իրավունքների բազմաթիվ կոպիտ խախտումներ` խոշտանգումների, դաժան և անմարդկային վերաբերմունք կիրառելու, ինչպես նաև պաշտպան ունենալու իրավունքը սահմանափակելու հետևանքով Ս.Հովակիմյանից կորզվել է խոստովանական ցուցմունք, որը հետագայում դրվել է մեղադրանքի հիմքում: Դաժան վերաբերմունքի վերաբերյալ Ս.Հովակիմյանի բողոքների կապակցությամբ ՀՀ իրավասու մարմինները մինչ օրս արդյունավետ քննություն չեն կատարել»:
Իրավապաշտպան կազմակերպությունները պահանջում ենք ՀՀ իշխանություններից.
-Կատարել խոշտանգումների հայտարարությունների անկախ, արդյունավետ և լիարժեք քննություն;
-Անթույլատրելի ճանաչել բռնության և ճնշումների միջոցով ստացված ապացույցները;
-Ապահովել մեղադրյալներիի ողջամիտ ժամկետում արդար դատաքննության իրավունքի իրականացումը;
-Անհապաղ ազատ արձակել Ս. Հովակիմյանին և Վ. Քերոբյանին՝ կալանավորումը փոխարինելով գրավով: Continue reading →

Posted in Հետաքրքիրները, Նամակներ, Առավել հետաքրքիրները | Tagged , , , , , , , , , , , , , , , , , , | Leave a comment

Ինչպես խայտառակել ռեսպուբլիկա | 168 ժամ

Posted on 23/06/2012

168 ժամ օրաթերթում 2012թ. մայիսի 31-ին հրապարակված Արա Գալոյանի հոդվածը Ստեփան Հովակիմյանի դատավարության ընթացքի մասին:
Նա անդրադառնում է դատավարության ձգձգվելու հանգամանքներին, հանրային հնչեղությանը` «Բաց նամակներով հանրապետության նախագահին, արդարադատության նախարարին, գլխավոր դատախազին են դիմել երիտասարդների ծնողները, վաստակաշատ մտավորականներ՝ գիտնականներ, դերասաններ, գրողներ, նկարիչներ, երաժիշտներ, հոգեւորականներ, դիվանագետ…», «Մարդու իրավունքների միջազգային ֆեդերացիան (Փարիզ) եւ Քաղաքացիական հասարակության ինստիտուտը հատուկ հայտարարությամբ պահանջեցին «արդար դատաքննություն եւ անկախ քննություն իրականացնել Ստեփան Հովակիմյանի եւ Վահրամ Քերոբյանի գործով»: «Այս դատավարությունն ու նախաքննությունը մի քանի օր առաջ հայտնվեց նաեւ ԱՄՆ Պետդեպարտամենտի տարեկան զեկույցում: Այս փաստաթղթի «Հարգել անձի անձեռնմխելիությունը, ներառյալ ազատ լինելը» բաժնում մի ամբողջ պարբերություն վերաբերում է ամբաստանյալ երիտասարդներին»: Continue reading →

Posted in 168 ժամ օրաթերթ, Հետաքրքիրները, Հոդվածներ | Tagged , , , , , , , , | Leave a comment

Country Reports on Human Rights Practices for 2011 – Armenia

Posted on 25/05/2012

This is U.S. Country Reports on Human Rights Practices for 2011 about Armenia.
In the section c. Torture and Other Cruel, Inhuman, or Degrading Treatment or Punishment is any information about Stepan Hovakimyan and Vahram Qerobyan as an example:
“For example, on May 17, the Civil Society Institute called for fairness in the trial of Stepan Hovakimyan and Vahram Kerobyan, who claimed that they confessed to theft in a downtown Yerevan cinema only after police subjected them to repeated physical and psychological abuse. The Civil Society Institute asked for an independent investigation of the defendants’ torture allegations and an end to the practice of basing cases on self-incriminatory confessions. According to his lawyer, Hovakimyan was illegally summoned to the police department of Yerevan’s Kentron district several times and subjected to physical and psychological abuse in order to elicit a confession. Hovakimyan finally confessed after the police officers threatened to abuse him sexually and to “bring in” his girlfriend. According to the lawyer, the alleged victim of the larceny reported the crime only after Hovakimyan had confessed, and police were thus carrying out an investigation before a crime was reported. Observers reported that no credible investigation was conducted into the allegations of torture and the court disregarded Hovakimyan’s statements that the confession was obtained under duress. The trial continued at year’s end”. Continue reading →

Posted in Հետաքրքիրները, Վերլուծություններ, Առավել հետաքրքիրները | Tagged , , , , , , , | Leave a comment

ՄԻՋՆՈՐԴՈՒԹՅՈՒՆ Վ. Քերոբյանին անհապաղ ազատ արձակելու որոշում կայացնելու մասին

Posted on 09/05/2012

Ներկայացնում ենք Վահրամ Քերոբյանի պաշտպաններ Լուսինե Սահակյանի և Երվանդ Վարոսյանի խիստ պատճառաբանված և տրամաբանորեն անթերի կառուցված միջնորդությունը Վահրամ Քերոբյանին անհապաղ ազատ արձակելու որոշում կայացնելու մասին:
«…Իրավական որոշակիության սկզբունքի խախտում է համարվում նաև այնպիսի իրավիճակը, երբ խափանման միջոց կալանքի հարցին անդրադառնալիս դատարանը չի սահմանում կալանքի ժամկետային որևէ սահմանափակում։ Վերը շարադրված որոշումների մեջ դատարանը չի նշել, թե կալանքի ինչ ժամկետ է ընտրվել։ Ստաշայտիսն ընդդեմ Լիտվայի գործում Եվրոպական դատարանն ուշադրություն է դարձրել սույն հանգամանքի վրա և որոշել, որ կալանքի մասին որոշման մեջ որևէ հիմնավորում և ժամկետային սահմանափակում չսահմանելով, ազգային դատարանը դիմողին դրել էր անորոշության մեջ` կապված այդ օրվանից հետո նրա կալանքի իրավական հիմքերի և հիմնավորումների հետ։ Եվրոպական դատարանը համարել է, որ նման որոշումը չի կարող դիմողին տրամադրել կամայականություններից պաշտպանվելու պատշաճ հնարավորություն, որը կալանքի “օրինականության” էական տարրերից է Կոնվենցիայի 5-րդ հոդվածի 1-ին մասի իմաստով (Ստաշայտիս, պարբ. 70)։ Ուստի, Վ. Քերոբյանի պարագայում ևս տեղի է ունեցել Կոնվենցիայի 5(1) հոդվածի խախտում»։ Continue reading →

Posted in Միջնորդություններ, Քրեական գործ, Առավել հետաքրքիրները | Tagged , , , , , , , , , | Leave a comment

Ստեփան Հովակիմյանի գործը կհասնի Եվրոպական դատարան | 1in.am

Posted on 17/03/2012

ՀՀ վճռաբեկ դատարանը վերադարձրել է Ստեփան Հովակիմյանի խոշտանգման գործով բողոքը՝ հիմքեր չլինելու պատճառաբանությամբ։ Ստեփան Հովակիմյանի փաստաբանը հայտնեց, որ դիմելու է Եվրոպական դատարան։
Բենիամին Հովակիմյանի պնդմամբ` նախաքննությունը կատարվել է ոչ ամբողջական և ոստիկանության ունեցած նախնական վարկածը «անցկացնելու» միտումով, գործի մեջ առկա գրեթե բոլոր դրվագները թերի են և հակասություններով լի: Ամբաստանյալի հոր համոզմամբ` Հատուկ քննչական ծառայությունը, դատախազությունը և ոստիկանության ներքին անվտանգության վարչությունը ամեն ինչ անում են իրենց գործընկերներին արդարացնելու համար, իսկ դատարանը կաշկանդված է որոշում կայացնելու հարցում: Continue reading →

Posted in 1in.am, Հոդվածներ, Նոր հրապարակումներ, Քրեական գործ | Tagged , , , , , | Leave a comment

Բաց նամակ ՀՀ Գլխավոր դատախազին

Posted on 06/03/2012

Հարգարժան պարոն Գլխավոր Դատախազ, տվյալ դեպքում ակնհայտորեն խախտվել են արդար դատաքննության և իրավական պաշտպանության արդյունավետ միջոցի իրավունքները: Հավատցնում եմ Ձեզ, որ քր.գործում առկա են բազմաթիվ փաստեր, որոնք վկայում են ոստիկանների ապօրինի գործողությունների և հնարավոր խոշտանգումների մասին, սակայն մեր կողմից ներկայացված փաստերը հաշվի չեն առնվում:
Դիմում եմ Ձեզ ակնկալիքով, որ Ձեր անմիջական միջամտությամբ
-կփոխվի Ս. Հովակիմյանի խափանման միջոցը` կալանավորումը կփոխարինվի գրավով,
-անթույլատրելի կճանաչվեն բռնության և ճնշումների միջոցով ստացված ապացույցները,
-կապահովվի արդար դատաքննության իրավունքի իրականացումը,
-կկատարվի խոշտանգումների վերաբերյալ հայտարարությունների լիարժեք քննություն: Continue reading →

Posted in Հետաքրքիրները, Հոդվածներ, Նամակներ, Առավել հետաքրքիրները, Առավոտ օրաթերթ | Tagged , , , , , , , , , | Leave a comment

FIDH and the Civil Society Institute Demand Fair Trial

Posted on 23/02/2012

FIDH and the Civil Society Institute call upon the Armenian authorities to:
- Immediately release S.Hovakimyan and V. Kerobyan on bail;
- Ensure both accused receive a fair trial within a reasonable time, including by confirming the inadmissibility of evidence obtained by coercion;
- Conduct an independent, effective and thorough investigation into the torture allegations to identify the perpetrators and bring them to justice;
- Fully conform with the provisions of the European Convention on Human Rights, as well as the European Convention on the Prevention of Torture and the UN Convention against Torture and other Cruel, Inhuman or Degrading Treatment or Punishment. These texts impose a clear obligation on Armenia to investigate and prosecute allegations of torture and stop the practice of using confessions obtained under duress to prosecute suspects. Continue reading →

Posted in hra.am, Միջնորդություններ, Նամակներ, Քրեական գործ | Tagged , , , , , , , , | 1 Comment

FIDH-Ը ԵՒ ՔՀԻ–Ն ՊԱՀԱՆՋՈՒՄ ԵՆ ԱՐԴԱՐ ԴԱՏԱՔՆՆՈՒԹՅՈՒՆ ԵՒ ԱՆԿԱԽ ՔՆՆՈՒԹՅՈՒՆ ԻՐԱԿԱՆԱՑՆԵԼ

Posted on 23/02/2012

Մարդու իրավունքների միջազգային ֆեդերացիան և Քաղաքացիական հասարակության ինստիտուտը պահանջում են արդար դատաքննություն և անկախ քննություն իրականացնել Ստեփան Հովակիմյանի և Վահրամ Քերոբյանի գործով
Փարիզ – Երևան, 22 փետրվարի, 2012 Continue reading →

Posted in hra.am, Քրեական գործ, Առավել հետաքրքիրները | Tagged , , , , , , , | 7 Comments

Ստեփան Հովակիմյանի գործով Վճռաբեկի դիրքորոշումն անհայտ է | 1in.am

Posted on 21/02/2012

Հիշեցնենք, որ Կենտրոն և Նորք-Մարաշ վարչական շրջանների ընդհանուր իրավասության դատարանը, մոտ 1,5 տարի քննելով 29-ամյա Ստեփան Հովակիմյանի և նրա ընկերոջ` 25-ամյա Վահրամ Քերոբյանի գործը, այդպես էլ հաշվի չառավ մեղադրվող Ստեփան Հովակիմյանի` քրեական գործի նախաքննության սկզբնական պահից հայտնած այն տեղեկությունները, որ իր կողմից ոստիկանությունում տրված բացատրությունն ու ինքնախոստովանական ցուցմունքը իրենից կորզվել են բռնությունների միջոցով: Բավական մեծ հասարակական հնչեղություն ձեռք բերած գործն այդպես էլ ընթացավ նախանշված ձևով,…
Ստեփան Հովակիմյանն արդեն երկու տարի պայքարում է, որ համապատասխան մարմինները պատշաճ ուշադրություն դարձնեն իր նկատմամբ կիրառված ապօրինությունների և բռնությունների վերաբերյալ պնդումներին, սակայն ապարդյուն: Continue reading →

Posted in 1in.am, Հոդվածներ, Նոր հրապարակումներ, Քրեական գործ | Tagged , , , , , , , | Leave a comment

ՀՀ դատարանները նորից ստիպում են դիմել Եվրոպական դատարան | hra.am

Posted on 17/02/2012

Խնդիրը կայանում է նրանում, որ Ս.Հովակիմյանի հայտնած տեղեկությունների և ոստիկանների հայտնած տեղեկությունների միջև կան էական և անհամատեղելի հակասություններ, որոնք պարզաբանելու ողղությամբ որևէ գործնական քայլ չի կատարվել: Ուղղակի Ս.Հովակիմյանի հայտնածը գնահատվել է որպես սուտ, իսկ ոստիկաններինը՝ ճիշտ:
… Բացի այդ, Եվրոպական դատարանի պրակտիկայի համաձայն, վատ վերաբերմունքի մասին բողոքների քննությունը պետք է իրականացվի մանրակրկիտ կերպով: Մինչդեռ Ս.Հովակիմյանի նկատմամբ բռնություններ կիրառելու օրվանից անցել է արդեն երկու տարի, սակայն համապատասխան մարմիններն ուղղակի հրաժարվում են կատարել օրենքով և միջազգային պայմանագրերով իրենց վրա դրված պարտականությունները, անգամ: Ոստիկանության Ներքին անվտանգության վարչությունը և Հատուկ քննչական ծառայությունը որևէ միջոց չձեռնարկելով հնարավոր բռնությունների մասին տվյալների տիրապետող անձանց հայտնաբերելու և հարցաքննելու ուղղությամբ, նույնիսկ չեն լսել պաշտպանական կողմի ջանքերով պարզված և նրանց ներկայացված անձանց: Continue reading →

Posted in hra.am, Հոդվածներ, Նոր հրապարակումներ | Tagged , , , , , , , , | Leave a comment

Բաց նամակ ՀՀ Նախագահ Ս. Սարգսյանին

Posted on 16/02/2012

ՀՀ Նախագահ Ս. Սարգսյանին ուղղված ՀՀ քաղաքացի Բենիամին Հովակիմյանի բաց նամակը Ստեփան Հովակիմյանի վերաբերյալ.
…Գողությունը կատարվել է 2010 թվականի հունվարի 10-ին, իսկ քրեական գործը հարուցվել է փետրվարի 6-ին։ Այս ընթացքում որդիս երկու անգամ, առանց պատշաճ ծանուցման, տարվել է ոստիկանության Կենտրոնի բաժին, ենթարկվել խոշտանգումների. փորձել են կորզել ցուցմունք իր և իր ընկերների դեմ, սակայն նա նման ցուցմունքներ չի տվել: Բերման ենթարկելու մասին որևէ արձանագրություն չի կազմվել: Երրորդ անգամ՝ արդեն փետրվարի 6-ին, զրուցելու պատրվակով Ս. Հովակիմյանը կանչվել է քաղաքային վարչություն: 7 ժամ շարունակ նա ենթարկվել է ֆիզիկական և հոգեբանական խոշտանգումների, չի ապահովվել փաստաբանի ներկայություն, չեն ներկայացվել նրա` որպես կասկածյալի իրավունքները, հնարավորություն չի տրվել տեղյակ պահել ընտանիքի անդամներին: Բռնի մեթոդներով կորզված ինքնախոստովանական ցուցմունքը միակ ապացույցն է, որն այսօր քրեական գործի հիմքում է:
…Նախաքննությունը կատարվել է ոչ ամբողջական և ոստիկանության ունեցած նախնական վարկածը «անցկացնելու» միտումով: Գործի մեջ առկա գրեթե բոլոր դրվագները թերի են և հակասություններով լի: Ակնհայտորեն խախտվել են անձի պաշտպանության իրավունքը և օրենսդրության մի շարք հիմնարար պահանջներ: Հատուկ քննչական ծառայությունը, դատախազությունը և ոստիկանության ներքին անվտանգության վարչությունը ամեն ինչ անում են իրենց գործընկերներին արդարացնելու համար: Ոստիկանության ապօրինի գործողությունների ու խոշտանգումների փաստերը հաստատող մեր կողմից ներկայացված ապացույցները պարզապես չեն քննարկվում: Արդյունքում դատավարությունն անհիմն ձգձգվում է, գերազանցելով ողջամիտ բոլոր ժամկետները: Continue reading →

Posted in 168 ժամ օրաթերթ, Հոդվածներ, Նամակներ, Առավել հետաքրքիրները | Tagged , , , , , , , , , , , | 1 Comment

Մտավորականների նամակը ՀՀ Նախագահին

Posted on 16/02/2012

Հանրապետության քսան ճանաչված մտավորականներ դիմում են ՀՀ Նախագահին իրենց ընկերոջ տղայի` Ստեփան Հովակիմյանի հարցով.
Ավելի քան մեկ տարի է, մենք մտահոգ ենք մեր մտավորական ընկերներից մեկի` Բենիամին Հովակիմյանի որդու` Ստեփան Հովակիմյանի հետ կատարված դեպքի կապակցությամբ: Դեպքն առանձնահատուկ է. տեղի է ունեցել բռնություն, քաղաքացու հիմնարար իրավունքների ու արժանապատվության կոպիտ ոտնահարում, դատաիրավական համակարգի կամայական գործունեություն:
…Գործում առկա են տարակուսանք հարուցող բազմաթիվ դրվագներ: Ահա դրանցից մի քանի առավել ցայտունները`
-անհասկանալի պայմաններում անհետացել են շուրջ երկու ժամ ընդհանուր տևողությամբ տեսախցիկներով նկարահանված տեսաերիզները, որոնց փոխարեն գործում հայտնվել են մեկ րոպեից քիչ ավել տևողությամբ մոնտաժված հատվածներ,
-«Մոսկվա» կինոթատրոնի հեռախոսազանգերը կանխամտածված ստուգվել են այլ օրվա կտրվածքով` նպատակ ունենալով թաքցնել որոշակի տեղեկություններ և շեղել քննության բնականոն ընթացքը, մասնավորապես` թաքցնելու ոստիկանությանը գողության վերաբերյալ հայտնելու և նույն օրը ոստիկանների ժամանելու փաստը,
-հանցագործության կատարման մեջ մեղադրվող Ստեփան Հովակիմյանը գողության կատարման ժամանակ եղել է իր ընկերներից մեկի հետ, սակայն քննությունն իրականացնող մարմինները հրաժարվում են նրան որպես վկա հարցաքննելուց,
- «ինքնախոստովանական» ցուցմունքում նշված փաստերը քննիչի կողմից հատուկ չեն ստուգվել, որպեսզի չարձանագրվի դրանց սուտ լինելը: Continue reading →

Posted in Նամակներ, Առավել հետաքրքիրները | Tagged , , , , , , , , , , , , , , , , , , , , , , | 1 Comment

Մամուլի հրապարակումների վերաբերյալ

Posted on 10/02/2012

Ստեփան Հովակիմյանի քր. գործի վերաբերյալ մամուլում եղել են 70-ից ավել հրապարակումներ:
1. Հետք օրաթերթ, 2 հրապարակումներ, http://hetq.am/arm/articles/5782/kinomoskvayi-goxutyan-scenary-kplvi.html
2. Lragir.am, 20-ից ավելի հրապարակումներ, առաջին հոդվածը 27.12.2010-ին:
3. Հայկական ժամանակ, 2 հրապարակումներ
4. Մարդու Իրավունքները Հայաստանում, http://www.hra.am 20-ից ավելի հրապարակումներ, տես. http://hra.am/hy/tag/Hovakimyan
5. 168 ժամ օրաթերթ, 2 հրապարակումներ
6. Առավոտ օրաթերթ, 3 հրապարակումներ
7. Голос Армении – http://www.golosarmenii.am/ru/20091/society/9085/
8. Զրուցակից 1 հոդված տպված հայերեն և ռուսերեն`
9. Առաջին լրատվական, 1 հրապարակում
Այս գործին անդրադարձել են նաև http://www.azg.am, http://www.erkir.am, http://www.mardik.am, http://www.7or.am, http://www.aysor.am, http://www.a1plus.am և այլ լրատվամիջոցներ: Continue reading →

Posted in Հոդվածներ, Նոր հրապարակումներ, Վերլուծություններ | Tagged , , , , , , , , , | Leave a comment

Դատարանն այդպես էլ հաշվի չի առնում, որ ցուցմունքը կորզվել է բռնությամբ | 1in.am Հայացք

Posted on 07/02/2012

Ստեփան Հովակիմյանն արդեն երկու տարի պայքարում է, որ համապատասխան մարմինները պատշաճ ուշադրություն դարձնեն իր նկատմամբ կիրառված ապօրինությունների և բռնությունների վերաբերյալ պնդումներին, սակայն ապարդյուն:
«Հատուկ քննչական ծառայությունը, կրկնելով ՀՀ ոստիկանության ներքին անվտանգության գործելաոճը, բավարարվել է միայն Ս. Հովակիմյանի մատնանշած ոստիկաններից բացատրություններ վերցնելով, որոնք էլ «թարսի պես» չեն խոստովանել իրենց կողմից նրան երեք անգամ ապօրինի ոստիկանություն տանելու, ժամեր շարունակ նրան ազատությունից ապօրինի զրկելու, այդ ընթացքում նրա նկատմամբ ֆիզիկական և հոգեբանական բռնություն կիրառելու փաստը, այլ ուղղակի հայտնել են, թե նման բան իրականում չի եղել, իսկ Ս. Հովակիմյանը ստում է»,- ասում է Ստեփան Հովակիմյանի պաշտպան Տիգրան Սաֆարյանը: Continue reading →

Posted in 1in.am, Հայացք օրաթերթ, Հոդվածներ, Նոր հրապարակումներ | Tagged , , , , , , , , , | Leave a comment

2011 in review

Posted on 08/01/2012

The WordPress.com stats helper monkeys prepared a 2011 annual report for this blog. Այս կայքի վերաբերյալ WordPress.com-ը պատրաստել է տարեկան հաշվետվություն, հետաքրքիր է: Մոտ 5,800 անգամ դիտել են այս կայքի հաղորդումները: Առավել հաճախ այցելել են հետևյալ էջերը` 1 Ստեփան Հովակիմյանի … Continue reading →

Posted in Վերլուծություններ | Leave a comment

Սարգսյան. Հանրային վստահությունը չափելի է | Lragir.am

Posted on 03/01/2012

Ներկայացնում եմ Սերժ Սարգսյանի 2011թ. դեկտեմբերի 22-ին հրավիրած դատաիրավական համակարգի խնդիրների նվիրված խորհրդակցության մամուլի հաղորդագրությունը ըստ Lragir.am կայքի: ՀՀ Նախագահը կարևորել է նաև ապօրինի որոշումների վերանայումը` վերականգնելով անձանց խախտված իրավունքները: Այդ պատճառով էլ որոշեցի հրապարակել կայքում: Հետաքրքիր է իմանալ, որքանով են իրականանալի հայտարարված տեսլականները: Նրանք անմիջականորեն վերաբերվում է Ստեփան Հովակիմյանի դեպքին: Continue reading →

Posted in Հոդվածներ, Վերլուծություններ | Tagged , , , , | Leave a comment